皮件和鞋都可以洗。
履 ~ 洗咗未?
10多年前開業之初，我們已經提供洗鞋同洗手袋嘅服務，很多人會覺得好奇怪，唔知道點解鞋同手袋要清洗， 也不認為鞋同袋應該要洗。但當嘗試過清洗服務之後，大家都開始明白保持物件乾淨清潔嘅好處。
Q: 點解鞋同手袋要洗?
A: 鞋履手袋等皮件都是我們日常生活的貼身用品，同衣物一樣都會污糟，只不過大部份人唔知道點樣洗，先會覺得鞋履皮件唔需要洗。很多人的鞋履，由買回家的第一天開始直到鞋穿破了要丟棄時都從未洗過，從乾潔衛生角度，確實不理想。
Q: 洗皮件係咪好似洗衫一樣，掉入洗衣機就可以?
A: 洗衣機用途係清洗衣物，放皮件或者鞋履到洗衣機，洗衣機強勁的乾衣及攪拌功能可能會令物件變形。
Q: 皮件污糟了，應該點樣洗?
A: 很多人以為皮褸、皮袋、皮鞋波鞋污漕咗就係污糟咗，唔可以洗返乾淨。其實皮製品和衣物一樣都可以清洗。不過必須注意，不同的皮革有不同的處理方法。如需在家DIY，清洗前最好問問專家意見，以免因方法或材料不當，使情況更糟。
